Daily Archives: September 20, 2017

ప్రతీ కవికి ఈ “అక్షర హారం” అంకితం 🌷 కవి – కర్షకుడు 🌷

కవి ఓ నిత్య కర్షకుడు ,

🔥”ప్రతి పంటకు ప్రసవించేవాడు కర్షకుడు …
ప్రతి అక్షరానికి ప్రసవించేవాడు కవి ….”
🔥 కవియే కర్షకుడై కలం అనే హలంతో అక్షర సేద్యం చేస్తాడు .నాగలి తలక్రిందులై నడిస్తే గాని నాగరికత నిలువజాలదు , కవి చేతి కలం తలక్రిందులై కాగితాన్ని కదిలిస్తేగాని భావం బ్రతుకజాలదు .
🔥 కండను కరిగించి అన్నాన్ని పండించి ఆకలి అన్నవారికి అండగా నిలిచే రైతులాగా, కవి తన కలాన్ని కదిలించి అక్షరాలను అందించి భావ దారిద్య్రంలో మునిగిన వారికి బాసటగా నిలుస్తాడు .

🔥 ఆకలితో డొక్క పాతాళానికి చేరినా పట్టించుకోక దుక్కి దున్ని పాతాళంనుండి పరమాన్నము ప్రసాదించే రైతు లాగా ,కవి యొక్క కడుపు కరువుకు శాశ్వత చిరునామాగా మారినా పట్టించుకోక శ్రమించి , తన మేధస్సును పదును చేసి పదాలను పరిగెత్తిస్తూ పరమాత్మ తత్త్వం యొక్క పరమార్థాన్ని ప్రసాదిస్తాడు .
అందుకే ….
” కర్షకుడిని ఆదుకోండి , కవిని ఆదరించండి ……”
🌻 డా .శివ ప్రసాద శాస్త్రి 🌻FB_IMG_1505882403905