Daily Archives: March 28, 2017

ఈ సినిమాలో అందాల ఆరబోత మోతాదు మించలేదు అంటున్న ఆ హాట్ భామ…!

సహజంగానే చిత్రసీమ లో హీరోయిన్ అంటే అందం, అభినయం తో పాటు అందాల ప్రదర్శనకు తారామణులు సిద్దంగా ఉండాలి. సినిమా అంటే నాలుగు గొప్ప మాటలు, నవరసాలు, అన్న మాటను గుర్తు చేస్తూ చాలా మంది హీరొయిన్ లు అందాల ఆరబోతుకి ఓకే అని ముందే చెప్పేస్తారు. అదే బాటలో మంచి నటన తో పాటు సెక్షి హీరొయిన్ గా గుర్తింపు తెచ్చుకున్న భామ రిచా పనై. తమిళ్ మలయాళం కన్నడ తో పాటు తెలుగు లో కుడా మంచి గుర్తింపు పొందిన ఈ హీరొయిన్ లేటెస్ట్ గా తెలుగు లో నటిస్తున్న సినిమా ‘’రక్షక భటుడు’’.
సుఖీభ‌వ మూవీస్ బ్యాన‌ర్‌పై వంశీకృష్ణ ఆకెళ్ల ద‌ర్శ‌క‌త్వంలో ఎ.గురురాజ్ నిర్మిస్తున్న ఈ చిత్రం ఒక డిఫరెంట్ కథ, కథనం తో తెరకెక్కుతుంది. ఇందులో రిచాప‌నై మరియు (మరో స్టార్ హీరో) నటిస్తుండగా, బ్రహ్మానందం, సుప్రీత్, అదుర్స్ రఘు, చిత్రం శ్రీను, జ్యోతి, ధన్ రాజ్, రాం జగన్, బాహుబ‌లి ప్ర‌భాక‌ర్‌, బ్ర‌హ్మాజీ త‌దిత‌రులు ముఖ్య పాత్రలు పోషిస్తున్న ఈ సినిమాకి మల్హార్ భట్ట్ కెమెరా మరియు శేఖర్ చంద్ర సంగీతం, అమర్ రెడ్డి ఎడిటింగ్ ప్రధాన ఆకర్షణగా నిలువనున్నాయి.
కాగా, ఈ సినిమా గురించి రిచా పనై మాట్లాడుతూ ఇంతక ముందు చేసిన సినిమాల కంటే చాలా భిన్నమైన సినిమా ఇది, కథ వినిన వెంటనే నేను ఎలాగైనా చేయాలి అని ధృడంగా నిర్ణయం తీసుకున్నాను. కొన్ని సినిమాలలో అందాల ప్రదర్శన ఇస్తేనే హిట్ అవుతాయి, కాని కొన్ని సినిమాలు మాత్రం మంచి అభినయాన్ని, నటనను కనబరిస్తే పెద్ద హిట్ అవుతాయి. ఆర్టిస్ట్ ల నటన తో బిగ్ హిట్ అయ్యే రేంజ్ వున్న సినిమా ఇది. దర్శకులు నా పాత్రను డిజైన్ చేసిన విధానం నన్ను భాగా ఆకట్టుకుంది, విడుదల అయిన తరువాత ప్రతి ప్రేక్షకుడిని అంతే ఆకట్టుకుంటుంది, మా టీం అందరికి అంత నమ్మకం ఉంది, ఇంకా రిచా మాట్లాడుతూ మా నిర్మాత పెట్టిన ప్రతి రూపాయి తెర మీద చాలా గొప్పగా కనపడుతుంది, మిగితా టెక్నిషియన్స్ అందరూ పడ్డ కష్టం మొత్తం సినిమా విడుదల తరువాత గొప్ప విజయంగా మాకు అందుతుంది అన్నారు.
‘’మొదటి సారి చాలా ఫ్రెష్ కథ ఏంచుకున్నాం, సాధార‌ణంగా దేవుడ్ని చూస్తే దెయ్యాలు భ‌యంతో పారిపోతాయి కాని మా సినిమాలో మాత్రం దెయ్యం వెళ్లి ఒక బలమైన కారణం కోసం దేవుడిని శరణు కోరడం, దెయ్యమైనా సరే న్యాయం వుందని దేవుడు తోడుగా నిలవడం అనేది ముఖ్య భూమికగా చూపించాం. ఆ న్యాయం మరియు బలమైన కారణం ఏంటి అనేది సినిమాలో చూడాలి ,ఇది ఒక సస్పెన్స్ థ్రిల్లర్. అరకు లోయలో సగ భాగం షూటింగ్ జరుపుకున్న ఈ సినిమాలో ఇంట‌ర్వెల్ వ‌ర‌కు అవుటండ్ అవుట్ ఎంట‌ర్‌టైన్మెంట్‌ ఉంటుంది. సెకండాఫ్‌లో మంచి ఎమోష‌న‌ల్ సీన్స్‌తో పాటు ఎంట‌ర్‌టైన్మెంట్ మిక్స్ అయ్యింటుంది. క్లైమాక్స్ చివ‌రి ప‌దిహేను నిమిషాలు అంద‌రి హృద‌యాల‌ను హ‌త్తుకుంటుంది అని చిత్ర బృంధం తెలిపారు.
అయితే ఈ మధ్యే విడుదల అయిన ఫస్ట్ లుక్ పోస్టర్ కి, మోషన్ పోస్టర్ కి ఆశేష ప్రేక్షక జనం నుండి వస్తున్న ప్రశంశలు మరియు ఆధరణ చూసి రక్షక భటుడు టీం ఈ సినిమా ట్రైలర్ ని ఈ వారమే విడుదల చేసి, సినిమా ని ఈ నెల 7 వ తేదిన భారి భారిగా విడుదల చేసేందుకు సన్నాహాలు చేస్తుందంట.
కాగా, భారి తారాగణం తో పాటు, భారి విలువలు తో నిర్మించిన ఈ సినిమా పై ఇప్పటికే అంచనాలు భారిగా నెలకొన్నాయి.IMG-20170328-WA0113

శ్రీ హేవళంబి నామ సంవత్సర శుభాకాంక్షలు

ఉగాది పండగ తెలుగు వారి ప్రముఖ పండగ మరియు ఘనంగా అధికారికంగా జరుపుకునే పండగ. ఈ పండగ చైత్ర మాస చైత్ర మాస శుద్ధ పాడ్యమి నాడు వస్తుంది. ఈ పండుగ రోజున పంచాంగ శ్రవణము చేయుట ,షడ్రుచులతో కూడిన ఉగాది పచ్చడి ని భుజించుట ప్రశస్త్యమైనది.

ఉగాది’ అంటే సృష్టి ఆరంభమైన దినమే ఉగాది. ‘యుగము’ అనగా ద్వయము లేక జంట అని కూడా అర్ధము. ఉత్తరాయణ, దక్షిణాయనములనబడే ఆయన ద్వయ సంయుతం ‘యుగం’ (సంవత్సరం) కాగా, ఆ యుగానికి ఆది (సంవత్సరాది) యుగాది అయింది. యుగాది శబ్దానికి ప్రతిరూపమైన ఉగాదిగా వ్యవహృతమైనది. తత్రచైత్రశుక్ల చైత్రశుద్ధ పాడ్యమి నాడు సంవత్సరాది ‘ఉగాది’గా ఆచరణీయమని నిర్ణయసింధుకారుడు పేర్కొనియున్నాడు.

“ఉగాది” ఆచరణ విధానం:

ఉగాది పర్వాచరణ విధానాన్ని ‘దర్మసింధు’ కారుడు ’పంచవిధుల సమన్వితం’గా ఇలా సూచించియున్నాడు. తైలాభ్యంగనం, నూతన సంవత్సరాది స్తోత్రం, నింబకుసుమ భక్షణం (ఉగాది పచ్చడి సేవనం), ధ్వజారోహణం (పూర్ణకుంభదానం), పంచాంగ శ్రవణం…మున్నగు ‘పంచకృత్య నిర్వహణ’ గావించవలెనని వ్రతగంధ నిర్దేశితం.

(1) తైలాభ్యంగనం

తైలాభ్యంగనం అంటే నువ్వుల నూనెతో తలంటి పోసుకోవడం ప్రధమ విధి. ఉగాది వంటి శుభదినాలలో సూర్యోదయానికి పూర్వమే మహాలక్ష్మి నూనెలోను, గంగాదేవి నీటిలోను, ఆవహించి వుండునని ఆర్యోక్తి. కావున నూనెతో తలంటుకుని అభ్యంగన స్నానం చేసిన లక్ష్మి, గంగా దేవుల అనుగ్రహాన్ని పొందగలుగుతారు. అభ్యంగంకారయోన్నిత్యం సర్వేష్వంగేషు పుష్ఠినం (అభ్యంగన స్నానం అన్ని అవయవాలౌ పుష్ట్టిదాయకం) అని ఆయుర్వేదోక్తి దృష్ట్యాఅభ్యంగనం ఆరోగ్యం కూడా. ఆరోగ్యరీత్యా ఆధ్యాత్మికరీత్యా తైలభ్యంగనానికీ రీతిగా విశేష ప్రాధాన్యమీయబడినది.

(2) నూతన సంవత్సర స్తోత్రం

అభ్యంగ స్నానానంతరం సూర్యునికి, ఆర్ఘ్యదీపధూపాధి,పుణ్యకాలానుష్టానం ఆచరించిన పిదప మామిడి ఆకులతోరణాలతో, పూలతోరణాలతో దేవుని గదిలో మంటపాన్ని నిర్మించి, అందు నూతన సంవత్సర పంచాంగాన్ని, సంవత్సరాది దేవతను, ఇష్టదేవతారాధనతో బాటు పూజించి ఉగాది ప్రసాదాన్ని (ఉగాది పచ్చడి) నివేదించవలెను.

(3) ఉగాడి పచ్చడి సేవనం

ఉగాది నాటి ఆచారాలలో ఉగాది పచ్చడి సేపనం అత్యంత ప్రధానమైనది. వేపపూత, కొత్త చింతపండు, బెల్లం లేక పంచదార లేక చెరకు ముక్కలు, నేయి, ఉప్పు, మిరియాలు, షడచులు మిళితమైన రసాయనాన్నే ఉగాడి పచ్చడి అంటాం!

అబ్దాదౌ నింబకుసుమం శర్కరామ్ల ఘృతైర్యుతమ్‌ భక్షితం పూర్వయామేతు తద్వర్షే సౌఖ్య దాయకమ్‌ అని ధర్మ సింధు గ్రంధం చెబుతున్నది. ఈ ఉగాడి పచ్చడిని ఇంట్లో అందరూ పరగడుపున సేవించవలెను. ఉగాడి నాడు ఉగాడి పచ్చడి సేవించడం వల్ల సంవత్సరమంతా సౌఖ్యదాయకమని ఈ శ్లోక భావం, పలురుచుల మేళవింపు అయిన ఉగాడి పచ్చడి కేవలం రుచికరమే కాదు ప్రభోదాత్మకం కూడా! తీపి వెనుక చేదు, పులుపు ఇలా పలురుచులకు జీవితాన కష్టాలు, తదితర అనుభూతులు, ప్రతీకలే అనే నగ్న సత్యాన్ని చాటుతూ సుఖాలకు పొంగకు, దు:ఖానికి క్రుంగకు, సుఖదు:ఖాలను సమభావంతో స్వీకరించు అనే ప్రగతిశీల సందేశాన్నిస్తుందీ ఉగాది పచ్చడి. అంతేగాక ఈ పచ్చడి సేవన ఫలంగా వివిధ అనారోగ్య స్థితులు పరిహరించబడి, రోగశాంతి, ఆరోగ్యపుష్టి చేకూరుట గమనార్హం.

(4) పూర్ణ కుంభదానం

ఉగాదినాడు ఇంద్రధ్వజ, బ్రహ్మధ్వజ ప్రతిష్టపన ఆచారంగా ఉన్నది. ఒక పట్టు వస్త్రాన్ని ఒక వెదురు గడకు పతాకం వలె కట్టి దానిపై నారికేళముంచబడిన కలశాన్ని వుంచి, ఆ కర్రకు మామిడి ఆకులు, నింబ పత్రాలు, పూల తోరణాలు కట్టి ఇంటి ప్రాంగణంలో ప్రతిష్టించి ఆరాధించడం ధ్వజావరోహణం. ఇటీవల ఈ ఆచారం చాలావరకు కనుమరుగై దాని స్థానంలో కలశ స్థాపన, పూర్ణకుంభదానం ఆచరణలోకి వచ్చింది. యధాశక్తి రాగి, వెండి, పంచలోహం లేదా మట్టితో చేసిన కొత్తకుండను కలశంలా చేసి రంగులతో అలంకరించి అందులో పంచపల్లవాలు (మామిడి, అశోక, నేరేడు, మోదుగ మరియు వేప చిగుళ్ళు) సుగంధ చందనం కలిపి పుష్పాక్షతలు వేసి ఆవాహనం చేసి, పూజించి కలశానికి ఒక నూతన వస్త్రాన్ని చుట్టి కలశంపై పసుపు కుంకుమ చందనం, పసుపు దారాలతో అలంకరించిన కొబ్బరి బోండాం నుంచి పూజించి పురోహితునకుగాని, గురుతుల్యులకుగానీ, పూర్ణకుంభదానమిచ్చి వారి ఆశీస్సులు పొందడం వల్ల సంవత్సరం పొడవునా విశేష ఫలితం లభిస్తుందని ప్రతీతి.

(5) పంచాంగ శ్రవణం

తిధి, వార, నక్షత్ర, యోగ, కరణములనెడి పంచ అంగాల సమన్వితం పం చాంగం. ఉగాది నాడు దేవాల యంలోగాని, గ్రామ కూడలి ప్రదేశాల్లోగాని, పండితుల, సిద్థాం తుల సమ క్షంలో కందాయఫలాలు స్థూ లంగా తెలుసుకొని తదనుగుణంగా సంవత్సరం పొడవునా నడచుకొనుటకు నాడే అంకురార్పణం గావించవలెనని చెప్పబడియున్నది. ఉగాదినాటి పంచాంగ శ్రవణం వల్ల గంగానదిలో స్నానం చేస్తే అభించేటంత ఫలితం లభిస్తుంది.

ఉగాదినాడు పంచాంగ శ్రవణం చేసేవారికి సూర్యుడు శౌర్యాన్ని, చంద్రుడు ఇంద్రసమాన వైభవాన్ని, కుజుడు శుభాన్ని, శని ఐశ్వర్యాన్ని, రాహువు బాహుబలాన్ని, కేతువు కులాధిక్యతను కలుగచేస్తారని చెప్పబడినది.2017-03-28-12-27-43-014

☘ గురువు పెట్టిన పరీక్షలో ఆంతర్యం ☘ ☀(తపోసిద్ధి పరమావధి )☀

అది చక్కటి నదీ తీరం ,పచ్చటి చెట్లతో, పక్షుల కిలకిలారావాలతో ,చిన్నచిన్న రాళ్లను తడుతూ అందమైన వంపులతో ప్రవహిస్తున్న గంగానది అలల సవ్వడితో ,ప్రశాంతతకు శాశ్వత చిరునమా ఇదేనేమో అనిపించే అత్యద్భుతమైన ,అతి మహిమాన్వితమైన ఋషుల ఆశ్రమం అది .గొప్ప తపోక్షేత్రం .

అప్పుడే సంధ్యానుష్ఠానం ముగించుకొని నది నుండి ఆశ్రమం వైపుకు వస్తున్న గురువుగారి వద్దకి ,సాధనా జిజ్ఞాస గల ఇద్దరు బ్రహ్మచారులు వచ్చి పాదాభివందనం చేసి , వారికి ఉపాసనా మార్గాలు ఉపదేశించి తపోసిద్ధిని ప్రసాదించుమని ప్రాధేయపడతారు . అది గమనించిన గురువుగారు వారిరువురి యోగ్యతను పరీక్షించదలచి ఇద్దరికీ చెరొక బరువుగా ఉన్న మంచినీటి పాత్రను ఇచ్చి అలా నదీతీరం వరకు వెళ్ళి ఆశ్రమానికి రమ్మంటారు .
సరే అంటూ ఇద్దరు అలా వెళ్ళి తిరిగి ఆశ్రమంలో ఉన్న గురువుగారి వద్దకి చేరుతారు .తాను మనో నేత్రంతో చూసి ఎవరి చేతిలోని నీటిపాత్ర ఖాళీగా ఉందో ఆ బ్రహ్మచారికి మంత్రోపదేశం చేసి తపోసిద్ధి మర్గాన్ని అనుగ్రహిస్తారు. అది చూసిన మరొక అబ్బాయి ….!!!!! తాను జాగ్రత్తగా నడుస్తూ ఒక్క చుక్కనీరు కుడా కింద పడకుండా జాగ్రత్తపడి యధాతథంగా వస్తే తనకెందుకు సిద్ధిని ప్రసాదించలేదంటూ విలపిస్తాడు ,
☀ అప్పుడు గురువుగారు ఇలా బోధిస్తారు…
☘ మంత్రోపదేశాన్ని పొందిన ఆ పిల్లవాడు తాను నడిచిన దారిలో ఎండిపోతున్న తులసీ మొక్కకు కొంత నీరును , దాహంతో అలమటిస్తున్న బాటసారికి కొంత నీటిని అందిస్తూ చివరగా మిగిలిన ఆ కొంతనీటిని అశ్రమం బయటనున్న గోమాతకు అందజేసి తన ఔదార్యాన్ని చాటుకున్నాడు .అందువల్లనే అనుగ్రహించానని చెబుతాడు …..
☀ గురుబోధలో నీతి : తపోసిద్దిని గాని , సాధనా సిద్దిని గాని విశ్వహితానికి వినియోగించడమే అసలు పరమార్థం . అలాంటి గుణం ఎవరికుందో చూసి వారికే సిద్దిని ప్రసాదించాడు గురుదేవుడు .
రచన
డా .శివ ప్రసాద శాస్త్రిIMG-20170325-WA0048