Daily Archives: July 25, 2016

కలం

రసప్రవాహమాలికలను ఏర్చి కూర్చే పట్టుదారం
నేతలు తలరాతలు సైతం మార్చిరాసే ఆయుధం
అక్షరాలకు రూపానిచ్చే శ్రీ సరస్వతి రూపం
ఒక్క పోటుతో జీవితాలను తారుమారుచేసే సుదర్శనం
తన్నుకుని వస్తున్న ఆలోచనల మణిహారం
అజ్ఞానపు చీకటులను తొలగించే మార్తాండం
ఆధ్యాత్మికకోణాన్ని ఆవిష్కరించే కుసుమం
అద్వైతబోధనందించిన గురుమండలస్వరూపం
నిస్త్రాణను తొలగించి సత్వర ఉత్సహాన్నిచ్చే బలం
గాయపడిన హృదయాలకు గొపీచందన లేపనం
అమ్మ ప్రేమను ఆవిష్కరించే మృదుమాధుర్యరూపం
తిక్కన మహభారతరచనాప్రావీణ్యానికి నిలువుటద్దం
శ్రీనాధ కవిసార్వభౌముని ప్రౌఢ పద్యరచనాప్రావీణ్యం
అడవి బాపిరాజు కొలిచిన వాలుజడ వయ్యారం
రమణ చేతిలొ ఒదిగిన కమనీయ హాస్యప్రపంచం
గురజాడ పూరించిన చైతన్యశంఖారావం
విశ్వనాధుని వేయిపడగల బృహదావిష్కారం
శ్రీ శ్రీ నుంచి జాలువారిన మహాప్రస్థానం
సంగీత రస సాహితీ జగత్తుకు ఆలవాలం
జయదేవ అష్టపదుల కమనీయ శృంగారం
పదకవితా పితామహుని వేంకటేశ్వర విలాసం
త్యాగయ్య పలికిన రామలీలావైభవం
ముత్తుస్వామి శ్యామశాస్త్రులు పలికించిన భావాతీతభక్తిసంగీతం
ఎన్నని చెప్పగలము కలాన్ని గురించి .. కవికే తెలుస్తుంది దాని తత్త్వసారం …

జ్ఞానకుమార వేంకట రమణ ప్రసాద్

IMG_20160725_195421_122

ఈశ్వర పూజకు మారేడు దళాలు

“ఏకబిల్వం శివార్పణం” అని మారేడు దాళలలతో శివుని పూజిస్తారు. మూడు దళములు కలపి ఒక్క అండముగా పిలవబడును కావున, దీనికి బిల్వము అని పేరు వచ్చింది. ఈ మూడు రేకులకు ఆధ్యాత్మికంగా, “పూజకుడు -పూజ్యము -పూజ”, “స్తోత్రము -స్తుత్యము – స్తుతి”, “జ్ఞాత -జ్ఞేయము -జ్ఞానము”.పవిత్రమగు ఈశ్వర పూజకు ఈ “బిల్వపత్రము” సర్వశ్రేష్ఠమైనది మరియు అతి పవిత్రమైనది. శివార్చన లకు మూడు రేకులతోనున్న పూర్తి బిల్వదముననే ఉపయోగించవలెను. ఒకసారి కోసిన బిల్వపత్రములు, సుమారు 15 రోజులవరకు పూజార్హత కల్గియుండును. వాడిపోయినను దోషములేదు, కాని మూడురేకులు మాత్రము తప్పనిసరిగా ఉండవలెను.

ఏకబిల్వ పత్రంలోని మూడు రేకులలో ఎడమవైపునది బ్రహ్మ అనియు, కుడీవైపునది విష్ణువనియు, మధ్యనున్నది సదాశివుడనియు, పురాణములలో తెలియుచున్నది. మరియు బిల్వదళములోని ముదుభాగమునందు అమృతమును, వెనుక భాగమున యక్షులును వుండుటచేత, బిల్వపత్రము యొక్క ముందుభాగమును శివునివైపు వుంచి పూజించాలి.

IMG_20160724_184545_879